Om planen
Dette er Årdal kommune sin første heilskaplege plan for naturmangfald. Planen gir eit oppdatert kunnskapsgrunnlag om naturverdiar, truslar og påverknad i kommunen, og inneheld ein handlingsdel med 21 konkrete tiltak. Planen skal styrkje grunnlaget for kunnskapsbaserte avgjerder i arealforvaltninga, og vil vere eit viktig kunnskapsgrunnlag for komande revisjon av kommuneplanen sin arealdel.
Planarbeidet er forankra i internasjonale og nasjonale føringar, mellom anna Naturavtalen frå Montreal (2022), og i kommunen sin samfunnsplan «Miljø og teknologi inn i framtida» (2022). Arbeidet er gjennomført i perioden januar 2025 til mai 2026, med tilskot frå Miljødirektoratet si ordning Natursats.
Høyringsfrist: 31. august 2026
Slik gir du innspel
Vi ønskjer innspel frå offentlege instansar, lag og organisasjonar, grunneigarar og andre interesserte. Send innspela skriftleg, merka med saksnummer 26/985, til:
Adresse: Årdal kommune, Statsråd Evensensveg 4, 6885 ÅRDALSTANGEN
E-post: postmottak@ardal.kommune.no
Plandokumenta
Planforslaget med vedlegg er tilgjengeleg på https://aardalnatur.my.canva.site/naturmangfaldsplanen og ved tenestetorg på Årdal Rådhus og Biblioteket i Øvre Årdal i høyringsperioden.
Vedlegg:
Planforslag – Kommunedelplan for naturmangfald (PDF, 12 MB)
Utvida skildring av handlingsplan (PDF, 354 kB)
Kunnskapsgrunnlag – Kommunedelplan for naturmangfald i Årdal kommune (PDF, 7 MB)
Naturmangfaldkartlegging i Årdal 2025 (PDF, 8 MB)
Naturtypekartlegging i Årdal 2025 (PDF, 3 MB)