Velkommen som søkjar til stillingar i Årdal kommune, så kjekt at du er interessert. Me håpar du finn ei stilling som du har lyst til å søkja på.
Sist endra 09.09.2022 10:18
Frå 1. september 2022 brukar Årdal kommune rekrutteringsløysinga "Visma EasyCruit". Det betyr at alle som søkjer på stillingar hjå oss frå denne datoen registrerer seg på ny. Du kan opprette brukar og lagra din informasjon for seinare bruk dersom du ynskjer det.
Dersom du har spørsmål om innlogging kan du ta kontakt med:
Marian Teigen (e-post: marian.teigen@ardal.kommune.no, tlf. : 45977834)
Berit Valsvik Maasø (e-post: berit.valsvik.maaso@ardal.kommune.no, tlf: 90746653)
Her finn du oversikt og kan søkja på ledige stillingar
Frå 1. september tek kommunen i bruk rekrutteringssystemet Visma EasyCruit.
Me føresler at du lagar deg brukar så kan du nytte registrert CV til fleire søknadar om det er aktuelt.
I så fall trykkjer du på + under "Allereie registrert" og så på "Gløymd passord" og "Ny brukar".
I feltet brukarnamn skriv du e-postadressa di. Er du interessert i fleire stillingar, må du sende ein søknad pr. stilling. Du vil få kvittering på at søknaden er motteken dersom du har fylt ut rett e-postadresse i søknaden. Det er ikkje naudsynt å sende kopi av vitnemål, attestar, kursbevis m.m. Desse skal takast med ved eventuelt intervju, eller sendast ved førespurnad.
I skjemaet er det mogleg å kryssa av for at søknaden ikkje skal verta offentleggjort. Dersom du ynskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jamfør offentleglova §25. Du vil då verte varsla om dette på førehand slik at du har høve til å trekkje søknaden din.
Som søkjar til ein stilling har du rett til å sjå utvida søkjarliste på stillinga du har søkt på, dette får du på førespurnad.
Send e-post til postmottak@ardal.kommune.no om du ynskjer innsyn i utvida søkjarliste.
Føremålet med Easycruit er å forenkla rekrutteringsprosessen til Årdal kommune og effektivisera kommunikasjon med søkjar. Som ein del av bruken av Easycruit tek me imot personopplysingar frå søkjarane. Me handsamar slike personopplysingar som ein del av vurderinga av søkjaren. Søkjar kan nytte funksjonane for profilredigering i Easycruit-kontoen sin til å sletta, lasta opp og redigera informasjon.
Søkjarane kan til ei kvar tid ta kontakt med oss for retting eller sletting av personopplysingar. Søkjarane har også rett til å sende klage til Datatilsynet med omsyn til handsaminga av personopplysingane.
Fleire av stillingane krev at det vert levert politiattest. På heimesida til politiet kan du lesa om politiattest/vandelsattest og finna søknadsskjema.
Dette må du skaffe om du får tilbod om stilling som krev politiattest.
Du kan lesa meir om kva som gjer Årdal til ein god stad å bu og arbeida på Ditt Årdal