Helsestasjonen i Årdal har delegert ansvar for all vaksinering i kommunen, både barnevaksinasjonsprogrammet, reisevaksiner, influensavaksiner og Meningokokkvaksine for ungdom.
Kvar haust er det tid for influensavaksine. Er du over 65 år eller i ei risikogruppe kan du få årets influensavaksine.
Me annonserar tidspunkt for vaksinering kvart år i lokal avisa, på eldresentera, biblioteket og heimesida vår. Då informerar me om oppmøte og pris.
Denne vaksina må takast årleg.
Din alder og ditt reisemål er viktig for kva vaksiner som er anbefalt. For å få best mogleg verknad av vaksinane bør du starte med vaksinasjon i god tid før avreise. Ta kontakt med Helsestasjonen så snart som råd.
Finn ut kva vaksine du treng
Folkehelseinstituttet anbefalar at ungdom i alderen 16–19 år vurderar å vaksinera seg mot meningokokksjukdom (smittsam hjernehinnebetennelse).
Les meir om smittsam hjernehinnebetennelse
Hjå oss vil helsesjukepleiar ved Årdal vidaregåande skule informera aktuelle klassar om vaksinetilbodet årleg. Vaksina er gratis.
Frå og med April tilbyr Årdal kommunen Covid vaksinering ein gong kvar mnd.
Foreløpig blir datoane for vaksinering som følgje:
- Torsdag 7.april
- Torsdag 5.mai
- Torsdag 16.juni
Behovet for fleire datoar blir vurdert undervegs.
Ta kontakt med helsestasjonen for å bestille time:
- Dersom du ønsker time til koronavaksinering, dose 1 eller 2.
- Har tatt dose 2 for over 20 veker sidan og ønsker oppfriskingsdose.
- Dersom du oppfyller kriteria for dose 4 og det har gått minimum 3 månader frå dose 3.
Les meir om koronavaksinering.