Årdal kommune tilbyr helsestasjonstenester digitalt.
Sist endra 29.06.2023 13:26
Dette er ei digital meldings- og kommunikasjonsteneste via helsenorge.no.
Gjennom DigiHelsestasjon får innbyggjarane ein sikker dialog med tenesta . Du må logge inn på helsenorge.no med BankID.
Her kan innbyggjarane på ein trygg måte senda og ta i mot meldingar, få varsel og oversikt over avtalar, avbestilla timar og få tilgang til relevant informasjon. Meldingar, avtalar, avbestillingar og så vidare kjem direkte inn i den elektroniske pasientjournalen din.
Gevinstane er knytt til betre tilgjenge, involvering og effektiv tidsbruk. Brukaren kan kontakta helsestasjonen på ei sikker plattform. Auka informasjonssikkerheit er veldig viktig.
For at du skal kunne bruka kalendar og melding må du vera digitalt aktiv på helsenorge.no. Du må ha logga på, akseptert bruksvilkåra og samtykka til å kommunisera med helsekontakar via nettstaden.
Les meir på HelseNorge sine sider.