Grensepåvising (klarlegging av eksisterande grense) blir utført over både tidlegare koordinatfesta eigedommar (eigedommar som er etablerte ved målebrev eller matrikkelbrev) og ikkje tidlegare koordinatfesta eigedommar (eldre eigedommar som er etablert ved skylddelingar/utskiftingar eller tilsvarande).
Ved grensepåvising blir det alltid gjennomført oppmålingsforretning som tek utgangspunkt i eigedomsbeskrivande dokument. Desse blir granska/tolka og sett opp mot grensemarkeringar som ein finn i terrenget.
Klarlegging av eksisterande grenser er heimla i matrikkellova og matrikkelforskrifta.
Kven kan søkje?
Grensepåvisinga kan søkjast på av heimelshavar, festar, advokatar, kommune, fylkeskommune, stat eller andre som har fullmakt. I dei tilfella der det er eit firma som er eigar, kan personar med signaturrett i samsvar med firmaattest søkja om grensepåvising (klarlegging av eksisterande grense).
Kva skal søknaden innehalde?
- Skjema for oppretting eller endring av matrikkeleining/deling og rekvisisjon av oppmålingsforretning.
- Målebrev, skylddeling ev. anna dokumentasjon over eigedomen.
- Situasjonskart der det går fram kva grensepunkt som skal klarleggast/påvisast. Kommunekart finn du her
Saksgang
Når søknaden er registrert i kommunen, vert det gjennomført ein enkel gjennomgang av søknaden. Er det manglar, orienterar vi om dette.
Dersom kriteria er oppfylt, vil varsel om tidspunkt for oppmålingsforretning bli sendt til søkjar og naboar til felles grenselinje.
Etter at oppmålingsforretning er gjennomført vil det bli utarbeidd matrikkelbrev for eigedomane som har fått endra grense. Matrikkelbrevet blir oversendt søkjar og naboar til felles grenselinje.
Saksbehandlingstid for oppmålingsforretning er inntil 16 veker.
Gebyr
Skjema
skjema fin du her (PDF, 179 kB)
Lover
Matrikkellova
Matrikkelforskriften
Sjå også
Eigedomsinformasjon