Orden og åtferdsreglar

Du skal møta presis til timane, og passa på at du har med deg skulesakene dine. Du skal ha bokbind på alle bøker og ta godt vare på alt utstyr.

Du skal visa respekt for andre!

Du skal vera roleg i timane, slik at alle kan få gjort arbeidet sitt. Leksene du får, gjer du skikkeleg og til avtalt tid.

Du skal ikkje snakka nedsettande eller plaga andre, eller godta at andre blir plaga.

Du skal ta ansvarsveka/ordenspliktene på alvor og syta for at det er god orden både inne og ute.

Du må følgja reglane for bruk av inne og utesko.

Det er ikkje lov å ha med farlege leiker på skulen.

Det er ikkje lov å ha med eller nytta tobakk eller rusmidlar på skulen.

Det er ikkje lov å nyta mat og drikke i timane utan særskilt løyve frå læraren. Det same gjeld for elektronisk utstyr som til dømes mobiltelefon.

Energidrikk og brus er ikkje tillate på skulen.

I timane skal mobiltelefon vera slått av og plassert på avtalt plass i klasserommet.

Det er ikkje lov å kommunisera munnleg, skriftleg eller elektronisk med andre enn lærar under prøvar.

Foreldra avgjer om eleven får sykle til og frå skulen. Skulen rår til at elevane kan bruka sykkel eller sparkesykkel åleine på skulevegen frå slutten av 4.klasse. Skulen oppmodar alle om å bruka sykkelhjelm. På turar i regi av skulen skal både elevar og lærarar bruka hjelm.

Det er ikkje lov å ha med rulleskøyter/rullebrett på skulen.

Det er ikkje lov å springa eller bråka i gangane og undervisningslokala.

Om vinteren kan du leika deg i snøen, men snøballkasting skal skje i eit fast område.

Elevane må ha særskilt løyve til å gå utafor skulen sitt område i skuletida.

Det er til vanleg ikkje lov å eta godteri på skulen. Det kan ved særskilte høve gis lov til dette av lærar.

Det er lov å forlata skulen sitt område i friminuta.

Ytterklede og utesko skal oppbevarast på tilvist plass.

Når du kjem utanfrå, skal du bruka tilvist inngang. Respekter klassar i arbeid når du byter rom i løpet av skuledagen.

Du kan berre bruka rulleskøyter, rullebrett på tilvist plass. Sikringsutstyr skal nyttast. Av omsyn til tryggleik er det ikkje lov å nytta motoriserte utgåver.

Du må passa på at sykkel/sparkesykkel vert parkert på rett plass og låst.

Ordenselevane har eit særleg ansvar for å halda orden i klasseromma og landskapa på ungdomssteget.

Bærbare pc'ar skal vera innelåst i friminutta.

Det kan verta krevd erstatning om du skadar eller øydelegg noko som tilhøyrer skulen eller noko som høyrer til ein anna elev, jfr Lov om skadeerstatning. Når større ting vert stolne, vert spørsmål om melding til politiet teke opp med foreldra.

Brot på vedtekne ordensreglar for bruka av mobilt samband på skulen fører til at lærar tek frå eleven mobiltelefon i minimum ein halv dag. Dersom saka gjentek seg eller vert vurdert som alvorleg, til dømes ved krenking av personar, vert telefonen dregen inn for ein dag. Det vert skrive åtferdsmerknad og dei føresette vert varsla om hendinga. Føresette vert og orientert om rettentil å melda saka til politiet.

Brot på skulen sine reglar kan og føra til:

• Irettesetting frå lærar, rektro eller andre tilsette.
• Merknad og eventuelt brev heim. Ved alvorlege hendingar som går på krenking kan det skulen nytta bortvising eller oppretta mobbesak.
• Nedsett orden og åtferdskarakter på ungomdssteget.
• Eleven kan frå innskrenka retten til å vera med klassen i friminutta.
• Eleven kan verta bortvist frå visse område på skulen
• Skulen kan forby eleven å bevega seg utafor skulen sitt område.
• Eleven må sitja eller gå saman med ei vakt.
• Eleven må ha følgje av foreldre/føresette på klasseturar eller andre fellesarrangement.
• Elevane må ha følgje av foreldre til og frå skulen.

Før desse konsekvensane vert tekne i bruk har eleven ein rett til å få forklara seg om hendinga.