Barn som treng ekstra hjelp og støtte
- Barn under opplæringspliktig alder med særleg behov for spesialpedagogisk hjelp, har rett til slik hjelp.
- Kommunen skal sikre at barn med nedsatt funksjonsevne får eit eigna individuelt tilrettelagt barnehagetilbod.
Spesialpedagogisk hjelp i barnehagen
Barn under opplæringspliktig alder som har særleg behov for spesialpedagogisk hjelp, har rett til slik hjelp. Hjelpa skal alltid omfatte tilbod om foreldrerådgiving. Dette følgjer av Rett til spesialpedagogisk hjelp - barnehagelova § 31.
Før det blir utarbeida ei sakkunnig vurdering og fatta vedtak om spesialpedagogisk hjelp, skal det innhentast samtykke frå barnet sine foreldre. Foreldrene har rett til å gjera seg kjende med innhaldet i den sakkunnige vurderinga og til å uttale seg før det vert fatta eit vedtak.. Dette følger av barnehagelova § 32, § 34 og § 35.
Barn med nedsatt funksjonsevne er ei samansett gruppe. Det er barn som har skade eller avvik i sosiale, kognitive, psykologiske, fysiologiske eller biologiske funksjonar.
Foreldre som har barn med nedsatt funksjonsevne kan søke kommunen om tilrettelegging av tiltak som er nødvendig for at barnet skal kunne nyttiggjere seg barnehagetilbodet. Nedsatt funksjonsevne skal vere dokumentert ved legeerklæring. Det er ikkje nødvendig med sakkunnig vurdering frå PPT, dersom det ikkje også vert søkt om spesialpedagogisk hjelp. Kommunen skal etter søknad fatte vedtak om tilrettelegging av barnehagetilbodet og foreldre har klagerett på vedtaket. Les meir om dette i barnehagelova § 37.
Sist endra 03.10.2023 13:26