Møter i utval Samfunn og Levekår torsdag 19. november

Torsdag 19. november er det møte i utval Samfunn kl. 08.00 og i utval Levekår kl. 12.00. Møta er i kommunestyresalen og er ope for publikum.

Begge møta kan du følgje direkte på KommuneTV. 

Utval Samfunn

På sakskartet til utvalet står mellom anna forslag om interkommunalt samarbeid for tilsyn av private avløpsanlegg, ny lokal gebyrforskrift innan ureiningsområdet og revisjon av forskrift for hjorteviltjakt i Årdal kommune.

Utvalet skal også ta stilling til veteranplan for Sognaregionen med lokal handlingsplan for Årdal, nye retningslinjer for markering av jubileum i lag og organisasjonar, samt rullering av kommunedelplan for idrett, fysisk aktivitet og friluftsliv og prioritering av spelemidlar for 2027.

I tillegg blir det orientering om budsjett 2027. Sakene om kulturpris, Årets Årdøl og Ungdommens kulturstipend blir behandla med utsett offentleg innsyn jf. offentleglova § 5.

Utval Levekår

Utval for Levekår skal i tillegg til orienteringar, handsame veteranplan for Sognaregionen med lokal handlingsplan for Årdal kommune og Oppvekstmelding 2025, som gir eit samla bilete av status og utvikling innan barnehage, skule og PPT i kommunen.