Offerdal Kraftverk fekk løyve til å bygge Øvre og Nedre Offerdal kraftverk ved kgl.res. den 10. februar 2017.
NVE gav forlenga byggefrist, som går ut den 10. februar 2027. NVE gav Offerdal Kraftverk anleggskonsesjon den 9. april 2018. Delane av anleggskonsesjonen som omfattar nettilknyting frå Offerdal kraftverk, over Årdalsfjorden og til Naddvik koblingsstasjon blei overteken av Sygnir AS den 21. mai 2021. NVE har forlenga fristen for idriftsetjing av nettanlegga til 10. februar 2032.
NVE har fått søknader frå Offerdal Kraftverk AS og Sygnir AS om løyve etter vassdragsreguleringslova og energilova til å endre planane for bygging av Offerdal kraftverk i Årdal kommune. Søknadene er grunngitte i behov for å redusere kostnadene, ved å endre på løysinga for nettilknytinga.
Sygnir AS søker også om ekspropriasjonsløyve for nødvendig grunn og rettar for å bygge, eige og drive dei elektriske anlegga.
Søknadane er tilgjengelege på NVE sin nettside.
Offerdal Kraftverk AS - konsesjonssak 2017
Slik sender du inn høyringsfråsegn
Du kan sende inn fråsegn på éin av følgjande måtar:
- via skjema for fråsegn, som du finn på nettsida til saka (www.nve.no/9716/V)
- via e-post til nve@nve.no (merk e-posten med «Høyringsfråsegn» og saksnummer 202514643 i emnefeltet, og oppgi namn og organisasjonsnummer i innleiinga om du representerer ei verksemd)
- via brev til NVE, Postboks 5091, Majorstuen, 0301 OSLO (merk brevet med «Høyringsfråsegn» og saksnummer 202514643 i emnefeltet, og oppgi namn og organisasjonsnummer i innleiinga om du representerer ei verksemd).
Frist for å sende fråsegn er 19.09.2025.
Fråsegn eller delar av fråsegn vil bli refererte i NVE sitt vedtak. Dersom fråsegna er lange, er det derfor ein fordel om det blir utarbeidd eit samandrag som kan brukast til dette.
Høyringsfråsegnene er offentlege dokument, og sentrale saksdokument blir lagde ut på NVE sine nettsider.