Har du barn mellom 3 og 17 år?

I midten av juni blir Barnefamiliepanelet sendt ut til alle barnefamiliane i Vestland fylke. Undersøkinga gir auka kunnskap om barn og unge si deltaking i fritidsaktivitetar. Resultatet frå undersøkinga gir kunnskap som kommunane og fritidstilbydarar kan bruke i arbeidet med å legge til rette for betre tilbod, og skape gode lokalsamfunn.

Invitasjonane til å delta i undersøkinga blir sendt ut på e-post til alle med folkeregistrert adresse i Årdal kommune og resten av Vestland som har barn i alderen 3 til og med 17 år. Spørsmåla i undersøkinga handlar om ulike forhold rundt fritidslivet til barnefamiliane, slik som barnet sine medievanar og deltaking i kulturaktivitetar, idrett og fritidstilbod, i tillegg til spørsmål om forelderen sine fritidsvanar, økonomi og utdanning. Det tar om lag 15 minutt å svare på undersøkinga.

Deltakarane i undersøkinga blir ein del av Vestland sitt barnefamiliepanel. Barnefamiliepanelet vart gjennomført i heile Vestland for første gong i 2022 og blir gjennomført for andre gong i juni 2025.

Les meir om undersøkinga i 2025.

Les meir om Barnefamiliepanelet på nettsidene til Vestland fylkeskommune.

Sjå rapportane og les meir om Barnefamiliepanelet på nettsidene til Bergen kommune.