
Thor Øyvind si interesse for musikk starta då han var 11 år gamal. Heime i Gjøvik, nærare bestemt bygda Kollsroa, var det aspirantopptak i korpset og han fekk utlevert ein Baryton.
Etter det ha musikk vore hans store interesse i livet.
Thor Øyvind flytta til Vinstra som 15 åring då han fekk studieplass ved musikklinja. Han elska hybellivet og fekk vener for livet.
3 år seinare, 18 år gamal, flytta han til Stavanger der han hadde bestått prøvespel og blei teke opp som student ved Musikkonservatoriet.
Etter 1 år på Musikkonservatoriet måtte han gjennomføre verneplikta i HMKG Musikktropp, 3. gardekompani.
Etter HMKG studerte han vidare 3 år ved Musikkonservatoriet i Stavanger før vegen gjekk vidare til Århus, Danmark. Der studerte han 2 år ved det Jyske Musikkonservatorium.
Sommaren 2011, etter 6 år høgare utdanning i Noreg og Danmark, blei han uteksaminert. Slutteksamen bestod av ein konsert og ei skriftleg avhandling. Den skriftlege avhandlinga var på fenomenet og den nevrologiske tilstanden “Focal task specific embouchure dystonia” som kan ramme messingblåsarar. Enklare forklart kan tilstanden oppstå ved bruk av anstrengande blåseteknikkar.
Med denne kunnskapen om FTSED er han nøye med å undervise sine elevar i god blåseteknikk slik at denne type skadar kan hindras. Han forankrar læringsmetodane sine på Arnold Jacobs tankar om “Song and wind” og er oppteken av å hjelpe elevane til å finne indre motivasjon og driv.
I tillegg til musikkutdanning har han teke eit fag om Psykologi i organisasjon og leiing. Faget er spesielt retta mot leiing, men kan og nyttast innan undervisning.
Er i dag rektor ved Årdal kulturskule. Gift med 2 born. Bur i Øvre Årdal og likar seg veldig godt bland fjord og fjell. Og når han ikkje driv med musikk likar han å “gjøre ting jeg ikke kan”, som å holde på med snikkararbeid.
Les meir og meld det på Thor Øyvind sine klassar:
Althorn/Baryton
Trompet/Kornett
Trombone
Aspirantkorps