Oktober månad vart avslutta med ekstremværet “Jakob” og fleire stader i kommunen fekk skader etter flaum og ras.
Ein del opprydningsarbeid er komme i gang. Her vil de finne aktuell informasjon, møtereferat m.m.
Sist endra 10.01.2025 12:46
Det har denne veka vore gjennomført møte mellom Årdal kommune og Hydro Energi for å få endeleg avklart ansvaret for oppryddinga i Sitla.
Ein er no einige om at Hydro Energi no overtek arbeidet med tilbakføring av anlegg m. m.
Årdal kommune fortsetter no arbeidet i Seimsdalen og Offerdalen.
Kommunen har engasjert Asplan Viak til å bistå kommunen i arbeidet med opprydding og tilbakeføring av Sitla.
Etter møter med NVE synt det seg at kommunen måtte utarbeide ein plan for opprydding og tilbakeføring av elva som NVE må godkjenne. Me måtte difor hente inn kompetanse på området og det er difor me har leigd inn Asplan Viak.
Dei har no jobba med å få oversikt over korleis elva var før flaumen og er no i ferd med å ferdigstille planen. Dei har jobba tett opp mot NVE.
Arbeidet med å rydde elva starta den 3. desember og kjem til å gå kontinuerleg fram til ferdigstilling. Tidsramma er me usikre på då det er eit omfattande arbeid, men Asplan Viak antyda at det nok kunne ta over 6 månadar før arbeidet var ferdig.
Årdal kommune har i dag varsla aktuelle samarbeidspartar at arbeidet med opprydning etter flaumen i Sitla vert starta opp tysdag 3. desember.
Sitla har auka vassføring etter mildvær og det er komme fleire bekymringsmeldingar frå bebuarane langs Sitla. Arbeidet vert derfor starta opp til tross for at alle naudsynte avklaringar ikkje er på plass.
Måndag 11. november kl. 16.00 vart det halde møte med dei som vart evakuert i samband med ekstremværet. Det deltok representantar frå kriseleiinga i kommune og frå Hydro Energi.
Naturskade i samband med uveret “Jakob” sine herjingar, skal meldast inn til Statens naturskadeordning.
Denne ordninga gjeld for objekt som det ikkje er mogleg å forsikre gjennom ein almen privat forsikring.
Les meir om ordninga på Landbrukdirektoratet si side og søk.
Det er staten som har ansvar for denne ordninga. Alle spørsmål må rettast til Landbruksdirektoratet.