Eit europeisk samarbeid om betre beredskap mot flaum og skogbrann.
Årdal kommune er med i forskingsprosjektet AWARENESS, som er finansiert gjennom EU sitt forskingsprogram Horisont Europa. Prosjektet går frå 2026 til 2029 og handlar om korleis lokalsamfunn kan ruste seg betre mot naturfarar, med flaum som hovudtema for vår del.
Sist endra 19.06.2026 16:10
Kva handlar prosjektet om?
Klimaendringane gjer at vi må vente meir ekstremvêr i åra som kjem, mellom anna kraftigare nedbør og auka fare for flaum. AWARENESS skal utvikle og prøve ut nye måtar å førebu lokalsamfunn på slike hendingar. Målet er at kommunar, beredskapsaktørar og innbyggjarar saman skal stå betre rusta når noko skjer.
Kvifor er Årdal med?
Årdal er ein kommune med bratt terreng, mykje nedbør og vassdrag som kan gi flaum. Difor er vi godt eigna til å prøve ut løysingar som også kan kome andre kommunar til nytte. I AWARENESS leier Årdal kommune ein eigen pilot som handlar om flaumberedskap. Her ser vi nærare på korleis vi kan varsle tidlegare, samarbeide betre på tvers av aktørar og involvere innbyggjarane i beredskapsarbeidet.
Kven samarbeider vi med?
Forskingsinstituttet NORCE leier prosjektet. Lokalt samarbeider Årdal kommune tett med Norsk Folkehjelp Årdal, som er ein viktig frivillig beredskapsressurs i kommunen. Statsforvaltaren i Vestland er ein sentral interessepart i arbeidet med samfunnstryggleik og beredskap i regionen. I tillegg er fleire europeiske partnarar med i det samla prosjektet.
Kva betyr dette for deg som innbyggjar?
På sikt skal arbeidet gi betre informasjon om flaumfare og tryggare lokalsamfunn. Vi vil dele kunnskap og råd om korleis du som innbyggjar kan vere førebudd, og vi ønskjer å involvere lokalsamfunnet undervegs. Følg med på denne sida for oppdateringar etter kvart som prosjektet kjem i gang.