Utskriven eigedomsskatt 2025 - offentleg ettersyn

Liste over utskriven eigedomsskatt i Årdal kommune, for året 2025, vert lagt ut til offentleg ettersyn på Tenestetorget i rådhuset på Årdalstangen i tre veker frå 1. mars 2025.

Årdal kommune skriv ut eigedomsskatt med heimel i paragraf 3 a i lov om eigedomsskatt, dvs. alle faste eigedomar.

  • Eigedomsskatt er utlikna med kr. 4,- pr. 1.000,- av takstsummen for vanlege eigedommar / fritidsbustader, kr. 4,- pr. 1.000,- av takstsummen for jordbruk og kr. 7,- pr. 1.000,- for næring og anlegg
  • For eigedomsskatteåret 2025 skal det videre skrivast ut eigedomsskatt på bygningar og grunnareal for verk og bruk som “fra og med 2019 blir ansett som næringseiendom, så langt disse var omfattet av eiendomsskattegrunnlaget for verk og bruk i 2018, jf. overgangsregelen til eiendomsskatteloven §§ 3 og 4 andre ledd.”

Eigedomsskatt og kommunale avgifter er på same faktura, og blir fakturert i fire terminar med forfall 16. februar, 16. mai, 16. august og 16. november.

Klagefrist

Klagefrist for utskriven eigedomsskatt 2025 er innan seks veker frå listene vert lagt ut til offentleg ettersyn. Klage må sendast skriftleg til Årdal kommune, Statsråd Evensensveg 4, 6885 Årdalstangen eller postmottak@ardal.kommune.no innan 10. april.

Fritak

Kommunestyret har i Ksak 006/25 vedteke fritak for følgjande eigedomar i 2025, jf. § 7 bokstav a i lov om eigedomsskatt.

  • Stiftinga Avdalen gard
  • Seimsdal Ungdomslag
  • Farnes skyttarlag
  • Idrottslaget Jotun
  • Årdal Jeger- og Fiskeforening
  • Norsk Folkehjelp Årdal
  • Tangen Kjøre og Rideklubb
  • Sogn Vekst AS
  • Årdalstangen Idrettslag
  • Farnes Ungdomslag 
  • Årdal Sogelag
  • Vikadalen Ungdomslag
  • Stiftinga Utladalen Naturhus
  • Knipenborg Skyttarlag
  • Hugin musikkforum