Pressemelding - Landbruksplan ÅLA 2026-2029 godkjend

Planen er andre revisjon av tidlegare utarbeida landbruksplan.

Overordna mål til planen er:

• Ta vare på jordressursane (jord og areal)
• Auka lønsemd og verdiskaping innan landbruket i kommunane
• Oppretthalda talet på produsentar
• Det grøne skiftet med klimavenleg landbruk skal prega utviklinga av landbruksnæringa
• FN sine berekraftsmål skal leggast til grunn for utviklinga av landbruket

I tråd med måla til planen, er det peika ut prioriterte satsingsområde som kommunane kan gje støtte til.
Ny ordning som gjeld for kommunane Årdal og Lærdal er støtte til Mentor, og støtte til driftsplanlegging og rådgjeving som gjeld for alle tre kommunane.

Ei viktig støtteordning, eigedomsoverdraging, har fått auka sats til kr 100.000.

I planen kjem det og fram at landbruket har fått støtte til mange gode tiltak i førre planperiode. Dette er svært gledeleg for landbruket i desse kommunane, og for landbruket som viktig bærebjelke i samfunnsutviklinga.

I planperioden skal Felles Landbrukskontor ÅLA ha som mål å ha fokus på fylgjande aktivitetar:

1. Arealbruk – jordvern, driveplikt, nydyrking
2. Rekruttering og mobilisering til landbruksnæringa
3. Møteplassar i og med landbruksnæringa, og andre aktuelle samarbeidspartar
4. Kompetanseheving og samhandling
5. Rådgjeving og informasjon
6. Delta i, og vere ein pådrivar i ÅLA-kommunane sitt planarbeid
7. Legga til rette for klimavenlege tiltak og klimasmarte løysingar i landbruket
8. Vere pådrivar for satsing og utvikling av lokal mat og drikke – naturbasert næringsutvikling

Her kan du lesa planen (PDF, 3 MB)

Det vert utarbeida elektronisk søknadsskjema i kvar kommune. Når skjermane er ferdig, vert søknadsportalen kunngjort.