Omlegging av vassleidning mellom Årdalstangen og Seimsdalen

Årdal kommune skal gjennomføre ei omlegging av sjøleidningen som går frå Årdalstangen til Seimsdalen. Arbeidet vert utført på Seimsdalsida, og tiltaket er nødvendig som følgje av skadar etter uvêret Jakob.

Frå og med måndag 27. oktober vil det vere aktivitet ved utløpet av Seimselvi og ved renseanlegget i Seimsdalen. Det vil i periodar vere bruk av både båt og dykkarar i samband med arbeidet.

I forkant av sjølve omlegginga har entreprenør utført førebuande arbeid, der grøfta er grava fram og området gjort klart for vidare gjennomføring.

Årdal kommune ber om at publikum viser merksemd i området medan arbeidet pågår, og takkar for tolmodet i anleggsperioden.

Kontaktperson:
Frank-Runar Øren. 
Telefon: 91 74 78 75
E-post: frank.runar.oren@ardal.kommune.no