Minnesmarkering på Holsbru

Årdal kommune ynskjer å invitere til markering i samband med den offisielle avdukinga av minnesmerket på Holsbru.

Sist endra 13.11.2025 10:48

Skulpturen er laga av Geir Hjetland og er plassert i terrenget ved Holsbruvatnet nær staden der den tragiske hendinga på Valdresekspressen skjedde 4. november 2013.

Ved markeringa vert minnestaden på Holsbru no offisielt innvigd, og me vil saman minnast Margaret Molland Sanden, Brahim Khouya og Arve Kvernhaug, som så brått mista livet den lagnadstunge kvelden for 12 år sidan.

Familie og vener av Margaret, Brahim og Arve, samt beredskapen i Årdal, helsepersonell og andre som deltok i redningsarbeidet, er spesielt inviterte til å ta del i markeringa.

Dato: 4. november
Tid: 16:00
Stad: Holsbru

Program:

  • Karl Seglem opnar med musikk
  • Ordførar, Christian Sønstlien, minnetale
  • Prest Stein Arne Larsson, deler ord til ettertanke
  • Avslutning: Karl Seglem spelar salmen “Mitt hjarte alltid vankar”

Minnemarkeringa er eit høve til å visa omtanke, samhald og støtte til alle som er berørte.

Alle som ynskjer å ta del, er hjarteleg velkomne.

Parkering ved brøytestasjonen.