Fotokonkurranse - Fang naturmangfaldet i Årdal!
I arbeidet med kommunedelplan naturmangfald inviterer Årdal kommune til fotokonkurranse. Me ser etter bilete som viser naturen slik han faktisk er.
Sist endra 25.03.2026 07:52
Rigmor Øygarden
Årdal har eit rikt naturmangfald – frå store landskap til små, skjulte livsformer. No ønskjer me å vise fram dette gjennom bilete frå innbyggjarane. Alle kan delta, uansett alder og erfaring. Har du ikkje bankID så finn nokon som kan sende inn bileta dine for deg.
Send bileta innan 1. mai via samtykkeskjemaet vårt. Du finner skjemaet på Årdal kommunes heimesider, under skjema - Publikumsbilete og samtykke til bruk. Kryss av for at du vil vere med i fotokonkurransen.
Kva meiner me med naturmangfald?
Naturmangfald er variasjonen i naturen:
- naturtypar (skog, fjell, elver, myr)
- plantar og dyr (ikkje husdyr)
- samspelet mellom dei
Det handlar ikkje berre om det vakre, men også om det sårbare, i endring eller påverka av menneske.
Beate Stølen
Kva slags bilete ønskjer me?
- Natur frå Årdal
- Plantar, dyr, insekt og sopp
- Ulike naturtypar og landskap
- Detaljar og nærbilete frå naturen
Me oppmodar også til bilete som viser:
- påverknad, slitasje eller inngrep
- kontrastar i naturen
- det som ikkje nødvendigvis er “pent”
Me ønskjer naturmotiv – ikkje kjæledyr, solnedgangar eller oppstilte bilete.
Rettar til bruk
Ved innsending gir du Årdal kommune rett til å bruke bileta i naturmangfaldsplanen. Fotograf vil bli kreditert.