Stortingsvalet 2025

Manntalet er ei oversikt over alle som har stemmerett i ein kommune. Du blir automatisk registrert i manntalet i den kommunen du er folkeregisteret som busett i den 30. juni 2025. Denne datoen blir kalla for skjeringsdatoen.

Om du har flytta, og ønsker stemmerett i den nye kommunen, må du derfor melde flytting til folkeregisteret innan 30. juni. Dersom du flyttar etter 30. juni, har du stemmerett i kommunen du flyttar frå.

Manntalet sikrar at berre dei som har stemmerett får stemme, og at ingen får stemme meir enn éin gong. I Noreg er manntalet som blir brukt ved val elektronisk. Kommunane kan derfor krysse av veljarar i manntalet direkte i valsystemet. 
Les meir om stemmerett og manntal på valgdirektoratet.no

Utlegging til offentleg ettersyn

Manntalet for Årdal kommune vert lagt ut til offentleg ettersyn frå måndag 14. juli til og med måndag 8. september. Manntalet vert ikkje lagt ut elektronisk.

Du kan sjå i manntalet på desse stadane:

• Tenestetorget på rådhuset, Årdalstangen
• Årdal bibliotek i Øvre Årdal

Du kan og ringe Tenestetorget på telefon 57 66 50 00 og få opplyst over telefon om du står i manntalet.

Står du ikkje i manntalet?

Står ikkje namnet ditt i manntalslistene som er lagt ut, eller det er andre feil i listene, kan du klage til valstyret. Klagen skal vere skriftleg og grunngjeve. Send klagen på e-post til postmottak@ardal.kommune.no eller i brev til Årdal kommune, Statsråd Evensensveg 4, 6885 Årdalstangen

Valstyret vil rette feil i manntalet så lenge det er praktisk mogeleg fram til valdagen.

Bur du i utlandet? 

Dersom du bur i utlandet, men har vore folkeregistrert som busett i Noreg i løpet av dei siste 10 åra, blir du automatisk ført inn i manntalet i kommunen du var registrert som busett i då du flytta frå Noreg.

Dersom du ikkje har vore registrert busett i Noreg dei siste 10 åra, må du søke om innføring i manntalet.

Du finn meir informasjon for veljarar busett i utlandet på valg.no

For å kunne stemme ved Stortingsvalet 2025 må du ha stemmerett og vere innført i manntalet. 

Du har stemmerett ved Stortingsvalet 2025 dersom du oppfyller desse kriteria:

• Er norsk statsborgar
• Har fylt 18 år innan utgangen av 2025
• Er, eller har vore, registrert i folkeregisteret som busett i Noreg
   

Har du flytta til ein anna kommune og melding om flytting ikkje er registrert i folkeregisteret innan 30. juni, står du framleis i manntalet i den kommunen du flytta frå. Då kan du velje om du vil røyste på valdagen i den kommunen du har flytta frå, eller om du vil førehandsrøyste.

Du må ta med gyldig legitimasjon når du skal stemme, både ved førehandsstemming og på valdagen. Det er ikkje tilstrekkeleg å oppgi namn og fødselsdato.

Legitimasjon kan til dømes vere pass, førarkort og bankkort med bilete, men du kan også bruke annan type legitimasjon. Kravet er at legitimasjonen inneheld namn, fødselsdato og bilete.

Det vert ikkje sendt ut valkort til Stortingsvalet i 2025.

Det vert ikkje sendt ut valkort til Stortingsvalet i 2025. Ordninga er avvikla.

I samband med Stortingsvalet kan du tidlegrøyste frå 1. juli.

Tidlegrøysting i Årdal er på Tenestetorget på rådhuset, Årdalstangen. Me ber om at du ringer og avtalar tid på telefon 57 66 50 00.

Det betyr at viss du ikkje har høve til å røyste på valdagen eller i den ordinære perioden for førehandsrøysting, så kan du kontakte kommunen og få tidlegrøyste i perioden 1. juli til 8. august. 
Du kan røyste i den kommunen du vil. 

Ta med legitimasjon med namn, fødselsnummer og bilete (t.d. pass, førarkort, id-kort).

Førehandsrøystinga startar 11. august og i Årdal er det førehandsrøysting følgjande plassar:

Tenestetorget, rådhuset 

• 11. august til 5. september, alle kvardagar kl. 10:00 til 14:00

Årdal kulturhus

• 25. august - 29. august kl. 11:00 - 17:00
• 1. september - 4. september kl. 11:00 - 17:00 
• 5. september kl. 11:00 - 14:00

ÅBO 

• torsdag 4. september kl. 12:00 - 13:30

Institusjonar 

Det vert høve for bebuarane på sjukeheimane til å røyste i veke 36. Informasjon om dag og klokkeslett vert informert om på sjukeheimane.

Stemme heime (ambulerande stemmemottak)

Dersom du er alvorleg sjuk eller ufør og ikkje kjem deg til lokale for å førehandsrøyste eller på valdagen, så kan du få tilrettelagt for å stemme heime. 

Ring da til Tenestetorget, telefon 57 66 50 00, for å avtale tid. Du vil da få besøk av valmedarbeidarar i heimen din i løpet av veke 36. 
Siste frist for å gjere avtale er torsdag 4. september kl. 12.00.

I Årdal kan du stemme både søndag 7. september og måndag 8. september. 

Du kan stemme i det lokalet som passar best for deg, uavhengig av kvar du bur i kommunen.

NB! merk at du på valdagen må stemme i den kommunen der du var manntalsført i 30. juni. 

Årdal kulturhus:
Søndag 7. september kl. 12.00 - 16.00
Måndag 8. september kl. 09.00 - 19.00

Rådhuset Årdalstangen:
Måndag 8. september kl. 09.00 - 19.00

Det vert høve for bebuarane på sjukeheimane til å stemme i veke 36. Informasjon om dag og klokkeslett vert informert om på sjukeheimane.

Dersom du er alvorleg sjuk eller ufør og ikkje kjem deg til lokale for å førehandsstemme eller på valdagen, så kan du få tilrettelagt for å stemme heime. 

Ring da til Tenestetorget, telefon 57 66 50 00, for å avtale tid. Du vil da få besøk av valmedarbeidarar i heimen din i løpet av veke 36. 

Siste frist for å gjere avtale er torsdag 4. september kl. 12.00.