Heim @ www.ardal.kommune.no

ÅKBIL om Holmenkollstafetten 12. mai 2012

Mon, 21 May 2012 09:04:29 +0200

Årdal kommune sitt lag i Holmenkollstafetten laurdag 12. mai gjorde det svært godt. Dei 15 løparane sprang inn til tida 74.55, noko som heldt til plass nr. 60 av 659 lag i klassen for mixa bedriftslag. Laget har hatt ei fellestrening pr veke frå mars og avslutta med eit par testløp og litt vekslingstrening før osloturen. NB: Neste år vert det også spesialtrening i skolisseknyting, og då vil nok tida gå ytterlegare ned! Løpinga og deltakinga i stafetten er hovudmålet, men det sosiale står i sentrum, med felles bussreise, inkludert tippekonkurranse og busskviss, og hyggeleg samvære under opphaldet i Oslo. Deltakarane representerer Årdal kommune på ein framifrå måte og gir bygda vår god reklame! Lagleiarar: Liv Moen og Rolf Breisnes Foto: Rolf Breisnes

Seimsdalstunnelen blir utan lys til juli månad

Mon, 21 May 2012 08:27:04 +0200

Statens vegvesen har ikkje lukkast med å finna jordfeilen, kabelen som går gjennom tunnelen er i so dårleg forftning at heile el-kabelen må skiftast seier prosjektleiar Per Ove Fossheim og lysa i tunnelen kjem ikkje att før dei har fått skifta heile kabelen som går gjennom tunnelen, og i beste fall kan straumen vera attende i månadsskiftet juni-juli..

Bestillinga på kabel er lagt inn, men det er litt ventetid. Når utstyret er på plass må ein rekna med ein 3-4 veker med arbeid. Det betyr at arbeidet tidlegast kan vera ferdig ved inngangen til juli månad. Det vil bli ein del styrt trafikkavvikling i arnleggstid.

I tida fram til straumen er tilbake, vil vegvesenet gjera ulike tiltak for å betra tryggleiken. Denne veka vil tunnelen bli feia, og i neste veke skal det målast kantstriper som også skal få innfelt refleks.

Gåande og Syklande
Vegvesenet har i samråd med politiet og kommunen vedteke å stengja tunnelen for gåande fram til lyset er tilbake.

Etter avklaringar og vurderingar med kommune og politi, har ein kome fram til at ein går for ei løysing med forbudskilt for gåande (306.7). Forbodsskilt for gåande blir sett opp så raskt som råd.

Ein vil tillate for sykling under føresetnad av at ein føl trafikkreglane Jf. trafikkreglane SKAL syklar vere utstyrt med lys framme og bak.

Politiet vil følge opp dette i den tida ein har mørk tunnel.
Blir det merka avvik, blir tunnelen stengd for syklistar.

Statens Vegvesen beklagar ulempene dette medfører brukarane, men seier at ein med feil på det el-tekniske anlegget må følgja føreskriftene.

Nettbasert kunnskapsprøve i Alkohollova

Wed, 16 May 2012 12:48:27 +0200

Framdriftsplan for Seimsdalstunnelen

Wed, 16 May 2012 10:36:14 +0200

Statens vegvesen kjem med nokre kortsiktige tiltak for å betra tilhøva i Seimsdalstunnelen i perioden den vil stå utan lys. Dei kjem tilbake med meir info når vi veit meir om framdrift/tidspunkt for når vi kan rekne med å få lys i tunnelen.

Kortsiktige tiltak:

Vi vil feie tunnelen fredag 18 mai
Oppmerking med ny kantlinje håpar vi skal få utført mandag 21 mai
Det blir festa refleks i køyrebana v/kantlinjene

Intern lysing - Ledige stillingar i barnehagane

Mon, 14 May 2012 09:08:41 +0200

Høyring - Rusmiddelpolitisk handlingsplan 2012 - 2016

Fri, 11 May 2012 12:43:18 +0200

Utval for helse, sosial og omsorg har vedteke å leggja Rusmiddelpolitisk handlingsplan 2012-2016

til offentleg gjennomsyn. Planen er bygd på Alkohollova og evaluering av plan for perioden 2008 – 2012.

Planframlegga ligg til offentleg gjennomsyn ligg også på Rådhuset og biblioteket i Øvre Årdal i perioden 10.05. – 03.06.2012.

Mogelege merknader kan sendast skriftleg til Årdal kommune, Postboks 40, 6881 Årdalstangen.

Høyring Helse- og omsorgsplan for Årdal kommune 2012 – 2022

Fri, 11 May 2012 12:52:39 +0200

Utval for helse, sosial og omsorg har vedteke å leggja Helse- og omsorgsplan 2012-2022.pdf ut til offentleg gjennomsyn.
Planen er bygd på Lov om helse- og omsorgstenestene i kommunen og Folkehelselova gjeldande frå 01.01.2012 og Nasjonal helse- og omsorgsplan 2011 – 2015 (Meld.st.16).

Utvalet har og vedteke å leggja Rusmiddelpolitisk handlingsplan 2012 – 2016 til offentleg gjennomsyn. Planen er bygd på Alkohollova og evaluering av plan for perioden 2008 – 2012.

Planframlegga ligg til offentleg gjennomsyn på Rådhuset og biblioteket i Øvre Årdal i perioden 10.05. – 03.06.2012.

Mogelege merknader kan sendast skriftleg til Årdal kommune, Postboks 40, 6881 Årdalstangen.

Program for 17. mai i Årdal

Thu, 10 May 2012 12:13:22 +0200

Ledige stillingar som pedagogiske leiarar i barnehagane

Thu, 10 May 2012 08:35:35 +0200

1. Pedagogisk leiar 60% stilling, (20% fast i Uravegen barnehage, 20% fast i Årdalstangen barnehage og 20% vikariat i Einehaugen barnehage frå og med 14.08.12 og til og med 31.12.2012)

2. Pedagogisk leiar 2 x 100% vikariat i Einehaugen barnehage frå 27.08.12 og 17.09.12, og fram til nytt barnehageår.

3. Pedagogisk leiar 100% vikariat i Haugane barnehage for barnehageåret 2012/2013.

Fullstendig annonse finn du under menyvalet ledige stillingar eller ved å ta kontakt med Tenestetorget.

Nye statsborgarar

Wed, 02 May 2012 10:14:39 +0200

Laurdag 28. april arrangerte Fylkesmannen i Sogn og Fjordane statsborgarseremoni for 51 nye statsborgarar frå 14 kommunar og 17 oppavsland Seremonien vart gjennomført på Rica Sunnfjord Hotel i Førde.