Årdal kommune tilbyr fortsatt alle innbyggarane som ikkje har fått vaksine mot ny influensa til å kunne få denne.

Det er sett opp fleire vaksinasjonsdagar for heile Årdal og vaksineringa vil føregå slik:

Øvre Årdal helsestasjon;
Fredag 29. januar	kl. 09.00 – 10.00
Fredag 19. februar	kl. 09.00 – 10.00
Torsdag 18. mars	kl. 14.00 – 15.00
Årdalstangen helsestasjon
Onsdag 10. februar	kl. 14.00 – 15.00
Onsdag 3. mars	kl. 14.00 – 15.00

Me vil nytte kølappsystem og ber om forståing for at det kan bli litt ventetid. Vaksinen kostar kr. 50,-.

NB! Ta med fødselsnummer (11 siffer)

Vaksinasjon er den beste beskyttelsen mot ny influensa A(H1N1) (”svineinfluensa”).  For dei fleste vil influensaen vere mild, men nokon blir alvorlig sjuke.

Helsemyndigheitene vurderer risiko ved å bli sjuk av influensa A(H1N1) som større enn risikoen ved å ta vaksine. Tilrår alle – med unntak av gravide i 1.trimester og born under 6 mnd. -  å ta vaksinen for å verne seg sjølv mot alvorlig sjukdom.

Born, ungdom og unge vaksne bør ta vaksinen fordi desse gruppene er dei som vert smitta hyppigast og er dei som mest effektivt sprer luftvegsvirus.

Erfaringar viser at omtrent ein tredel av dei som har blitt alvorlig sjuke i Noreg og i andre land, ikkje har hatt kjent risiko for alvorlig sjukdom.

Ved at du er vaksinert, bidreg du i tillegg til at familiemedlemar og andre unngår smitte. All vaksinasjon i Noreg er frivillig.