Haugane barnehage

Eit godt læringsmiljø:

• er eit inspirerande miljø som motiverer for ulike erfaringar, basert på barna sine eigne interesser og eige ståstad
• gir høve til prøving, feiling og meistring
• legg vekt på kvalitet i samspelet mellom mennesker, der dei vaksne til einkvar tid har ansvaret for kvaliteten i samspelet

Barne sin medverknad:
Vi legg vekt på å ta barna med i barnehagen sine avgjersler. Barn har rett til å gi uttrykk for sitt syn på barnehagen sin daglege drift. Barn skal få høve til aktiv planlegging og vurdering av barnehagen. Barna sine synspunkt skal tilleggast vekt i samsvar med barna sin alder og modning.

Korleis jobbar personalet med dette:
Barn sine kjenslemessige uttrykk skal bli tatt på alvor, dvs. at vi må tolke kroppsspråk og vere observante i høve til barna sine handlingar, estetiske uttrykk og etter kvart også deira verbale språk.

Barn sin rett til medverknad krev tid og rom for å lytte og samtale.