Årdalstangen barnehage

I dag er det 2 opne avdelingar i barnehagen. Me tek i mot barn i alderen 0 –6 år.

Satsingsområde:
Samværet mellom barn-barn og barn-vaksen legg grunnlaget for utvikling og læring på alle område. Difor blir sosiale relasjonar, språk og kommunikasjon i kvardagen viktig for vår barnehage. Dei siste åra har barnehagen i tillegg lagt vekt på uteliv, språk og medverknad.

Me ynskjer at barnehagen vår kan vere ein stad:

• der personalet tek utgangspunkt i barna sine positive sider og bygger vidare på dei
• der personalet har tid til å ta barn på alvor
• der barna møter omsorg, respekt og forståing for eigne og andre sine behov
• der glede, humor og latter er ein naturleg del av kvardagen
• der barna får meir oppmuntring og ros, enn irettesetjing
• der me kan skape eit miljø basert på tryggleik og tillit
• der barna får klare, men rettferdige grenser

Dette ynskjer me at barna skal få med seg frå Årdalstangen barnehage:

• Eit positivt sjølvbilde
• Nyfikne, kreativitet og evne til å utforske
• kunne gje og ta i samspel med andre
• evne til å ta språkleg kontakt med andre og kunna gjera seg forstått
• Humor og glede i kvardagen

Overordna mål:
Me ynskjer at trivsel, tryggleik og tillit, fellesskap, glede og omsorg skal prega barna sin kvardag.