Øvstetunshagen bufellesskap for aldersdemente ligg i Flotavegen 13 i Øvre Årdal. Bufellesskapet stod ferdig i oktober 1996, og har ei moderne og funksjonell utforming med plass til 8 bebuarar.
Bufellesskapet er eit tilbod til menneske som er tidleg i demensutviklinga. Behandlingsopplegget er basert på ADL-trening, dvs. å oppretthalde funksjonar i høve daglege gjeremål. For å kunne dra nytte av behandlinga, må pasienten vera forholdsvis funksjonsfrisk.
Hovudmålet for det terapeutiske arbeidet er:
- Å lage eit tilrettelagt tilbod som skal gje eit høgare funksjonsnivå, mindre bruk av medikament, større tryggleik og betre livskvalitet for den aldersdemente
- Å ta vare på augneblinken og oppretthalde den einskilde sine funksjonar lengst mogleg
- Å ivareta den demente sine pårørande, mellom anna gjennom informasjon og undervisning
